نفسي أصحى يوم الصبح مش شبــــه أي صبح
يكون فيه شمس من اللى بحلم بيها أو قمر
من اللى بيسهر في ليالينــــا زمــــان
أو شبه شجرة النبق اللى كنت بطلعها زمان
وانا 7 سنين أشوف من فوقها الدنياوأحلم
أني بطير زي العصافير
يوم شبه قلوبنا البيضا من غير ما يدنسها
قلوب خاينة ولا ناس تكره تسمع عنها قلوب
صافية ما بتتمناش ليك إلا الحب و الحب
و بس
شبه قلب عاشق بيوشوش حبيبته بكلمة حب يدوب
قلبها بين أيديه
شبه حلم ليهم يضمهم في جنة عشق ليهم لوحدهم
شبه وعد وعدها بيه أنو ليهــا هي و بس ومش
هيسيبها ابدا
شبه رملة دهبي بيجري عليها ولد وبنت بيحضنهم
شمس و بحر
نفسي أصحى يوم الصبح ما أستناش فيه حد ولا
يقتلني الوجع من الإنتظار
نفسي في يوم ما أفتحش عيني و أنا نفسي ما
أصحاش علشـــــان ما أقاسيش من تاني الألم
يوم من غيــر دموع ولا أنين بنت دابت في
الحلم و صحيت منه على الآه والوجع
نفسي في يوم فيه بابا و ماما
نفسي فيك أنت ترجع تحضن أيامي
نفسي فيا أنا
أفوق و أصحى من أحلامي
تعبت والله
ليست هناك تعليقات:
إرسال تعليق