اللي حصل أمبارح كان أكبر بكتير من اللي حلمت بيه من جوايا دايماً عارفة أني غير الناس مش لأني كويسة أو موهوبة أو مغرورة كل واحد جواه بيشوف نفسه غير الناس ده طبيعي حالة صحية كمان , فكرة انك تفضل تحلم وقت طويل جداً بحاجة جواك من وانت عمرك 7 سنين و متخيل أنه صعب جداً يتحقق قد يكون بسبب المجتمع , الظروف , الخوف , صعوبة التعامل مع التغيير خوفك من أن مش ممكن هتحقق أحلامك لوحدك أو أن حد يتخلى عنك في نص الطريق و أنت لسة بتقول يا هادي و الدنيا تقفل في وشك و تحس أنك بتاخد نفسك من خرم أبرة و فجأة تلاقي كل ده وهم و أنك قادر على تحقيق أحلامك // طول اليوم أمبارح كانت بترن في ودني
كلمة قالها المخرج الجميل سعد هنداوي في أخر محاضرة معاه // مش مهم العمل المهم قدرتك على أنجاز العمل ,, الكلمة دي خوفتني أوي و أنا بحضر لمراحل تصوير البروجكت بتاعي و خاصة أني عارفة أن أمكانياتي بسيطة و السيناريو صعب و موضوع الفيلم تنفيذه بالشكل اللي انا عاوزه صعب و صعب أوي كمان .. ده غير التعرض لمشاكل رهيبة كأي شغل تاني و بدأت أكتشف نفسي أمبارح و لأول مرة رنا الجديدة بعد التغيير الشامل في التوجهات و الأفكار والقوة النفسية المكتسبة من الفشل النفسي اللي كان محاوطني و أحساسي بأني دايماً مقدرش أعمل حاجة أو أفكر لوحدي نفسي أفتكر مين دخل كده في دماغي بصراحة معرفتش ,
من 8 شهور تحديداً كنت حد غير اللي كنت فيه أمبارح مش مبسوطة الصراحة من قوتي اللي بدأت تزعج الأخرين و تزعجني أنا شخصياً حكاية أعادة أكتشاف نفسك شيء مش سهل بس يوم ما توصله هتوصل معاه لأبواب السما و تلمسها بأيديك ..
أنا صورت البروجكت من ستة الصبح لحد 12 بالليل بأمكانيات تصوير و هندسة صوت ومعدات مشرفة للغاية الأجمل مجموعة التنفيذ و مساعدتهم بأنهم يوصلوا معايا لأقصى ما أتمنى , ايوا في أخطاء و في مشاهد بسيطة لازم تكمل لكن قدرت أحقق قدرتي على تنفيذ العمل بنسبة 90% ,,
بدأت حلمي بأن أعمل فيلم عن الطاهر عبدالله و لحد دلوقت بجهز فيه و مش راضية أبدأ في تنفيذه الا لما اكون من جوا جاهزة نفسياً أن أنفصل عن احساسي بالطاهر علشان اعمل الفيلم ده بحرفة في المقام الأول و مازل أحساسي بيه لا ينفصل عن تكويني الجديد , يوم ما مسكت أعماله الكاملة في أيدي كل حاجة من بعدها أتغيرت
قد يكون الألم و الفشل بيحطم مسيرة تقدمك لكن و في أحيان كتيرة بيحطم أسوار الخوف اللي بتخليك تطير لحلمك و تمسكه بقوة و تجبره على انه يكون طوع ليك ... قد لا أصل يوماً لما أتمنى و لكن يبقى شرف المحاولة أجمل و أطهر .. مش عارفة اقول ايه لكل اللي كانو معايا امبارح اشكرهم بس ولا أكتفي بصمتي المعتاد واللي في قلبي هيوصل ..
سرير الأحلام مش كبير عليك ضبطه على مقاسك و أجبره أنه يرضيك انت أكبر من أن حد يكسرك أو يوقفك أنت أكبر من وجعك و أستسلامك خليك فاكر ده و انت بتكمل حياتك
يمكن مش هنسى اللي أتخلوا عني يمكن مش هنسى كل الوجع يمكن مش هنسى حاجات كتير شايلاها جوايا لكن مش هنسى ابداً أني قدرت أنجز العمل !!
انا أخرجت الفيلم // فيلمي الأول اللي أسمه هيكون متصدر أسم مجموعتي القصصية الأولى إن شاء الله :)
كلمة قالها المخرج الجميل سعد هنداوي في أخر محاضرة معاه // مش مهم العمل المهم قدرتك على أنجاز العمل ,, الكلمة دي خوفتني أوي و أنا بحضر لمراحل تصوير البروجكت بتاعي و خاصة أني عارفة أن أمكانياتي بسيطة و السيناريو صعب و موضوع الفيلم تنفيذه بالشكل اللي انا عاوزه صعب و صعب أوي كمان .. ده غير التعرض لمشاكل رهيبة كأي شغل تاني و بدأت أكتشف نفسي أمبارح و لأول مرة رنا الجديدة بعد التغيير الشامل في التوجهات و الأفكار والقوة النفسية المكتسبة من الفشل النفسي اللي كان محاوطني و أحساسي بأني دايماً مقدرش أعمل حاجة أو أفكر لوحدي نفسي أفتكر مين دخل كده في دماغي بصراحة معرفتش ,
من 8 شهور تحديداً كنت حد غير اللي كنت فيه أمبارح مش مبسوطة الصراحة من قوتي اللي بدأت تزعج الأخرين و تزعجني أنا شخصياً حكاية أعادة أكتشاف نفسك شيء مش سهل بس يوم ما توصله هتوصل معاه لأبواب السما و تلمسها بأيديك ..
أنا صورت البروجكت من ستة الصبح لحد 12 بالليل بأمكانيات تصوير و هندسة صوت ومعدات مشرفة للغاية الأجمل مجموعة التنفيذ و مساعدتهم بأنهم يوصلوا معايا لأقصى ما أتمنى , ايوا في أخطاء و في مشاهد بسيطة لازم تكمل لكن قدرت أحقق قدرتي على تنفيذ العمل بنسبة 90% ,,
بدأت حلمي بأن أعمل فيلم عن الطاهر عبدالله و لحد دلوقت بجهز فيه و مش راضية أبدأ في تنفيذه الا لما اكون من جوا جاهزة نفسياً أن أنفصل عن احساسي بالطاهر علشان اعمل الفيلم ده بحرفة في المقام الأول و مازل أحساسي بيه لا ينفصل عن تكويني الجديد , يوم ما مسكت أعماله الكاملة في أيدي كل حاجة من بعدها أتغيرت
قد يكون الألم و الفشل بيحطم مسيرة تقدمك لكن و في أحيان كتيرة بيحطم أسوار الخوف اللي بتخليك تطير لحلمك و تمسكه بقوة و تجبره على انه يكون طوع ليك ... قد لا أصل يوماً لما أتمنى و لكن يبقى شرف المحاولة أجمل و أطهر .. مش عارفة اقول ايه لكل اللي كانو معايا امبارح اشكرهم بس ولا أكتفي بصمتي المعتاد واللي في قلبي هيوصل ..
سرير الأحلام مش كبير عليك ضبطه على مقاسك و أجبره أنه يرضيك انت أكبر من أن حد يكسرك أو يوقفك أنت أكبر من وجعك و أستسلامك خليك فاكر ده و انت بتكمل حياتك
يمكن مش هنسى اللي أتخلوا عني يمكن مش هنسى كل الوجع يمكن مش هنسى حاجات كتير شايلاها جوايا لكن مش هنسى ابداً أني قدرت أنجز العمل !!
انا أخرجت الفيلم // فيلمي الأول اللي أسمه هيكون متصدر أسم مجموعتي القصصية الأولى إن شاء الله :)
