كان في بنت

و توتا توتا خلصت الحدوتة

حدوتة بنت كانت عايشة فى الخيال

قالت لما تنزل الأرض شوية

 لانها تعبت خيال

فضلت تجري وسط الورد والشجر

 وتبص للشمس ويلون وشها بلونو الدهبي

مكانتش عاوزة غير أنها تفرح

كانت عاوزة تحس أنها

 بنت حلوة و بريئة

ضحكو عليها وقالولها أنزلي

 مين قالك الارض فيها خداع و كدب

قالتلهم كتير وأنا مش عاوزة أتجرح

لأن قلبي مليان جراح

ونزلت  ...

وشافت حلمها قالت أعقلي

الحلم ده على الأرض

هتبقى نهايته أيه غير الجراح

غمضت عينها و قالت لا

هعيشو حتى لو بمرار

وعاشتوا بكل مرارو

 حبت المرار

بس حتى المرار مارضيش بيها

قالها أرجعى لأحلامك

الأرض متساعش حب طفلة مفتونة

راح من غير ولا كلمة

سابها تايهة

وسط بحور المرار

ورجعت تضم أيديها تانى

 وتخبى وشها وترجع لأحلامها

اللي مفيهاش قسوة و ألم 
مفيهاش وشوش غير الوشوش
مفيهاش طعم مُر الخداع

تنام وتصحى من تاني في عالم
هادي ومخلص ونقي
زي قلبها اللي مجرحش حد

الأحلام هي هي

بس هي اللى مبقيتش هى

بقت نصها مرار

و النص التاني ميت

يا عينى عليها البنت

لا عارفة ترجع تعيش في حلمها

ولا طايلة تعيش مرها 

كان في بنت

.............