شخبطــــة

أنا زهقانة أوي و مخنوقة أووي ...

 بعمل ايه ؟ بجري على أيه ؟

 مستنية أيه ؟ مفيش فايدة كل حاجة

 شبه بعضها مفيش حاجة ممكن تخرجني

من اللى انا حاسة بيه ...

حتى الحلم راحت ملامحه ....

 مبقيتش عارفة أحلم ولا أكتب ولا أفرح ...

حاسة ان كل حاجة راحت ....

الفرح راح مع ماما ....

الدفا راح مع بابا ....

وراح مع الزمن الاحساس

وماتت المشاعر ....

راح اللون الأبيض

زى ما أختي بتقول ....

هو شكل الفرح أيه ؟

أنا نسيت ...

نسيت يعني أيه بجد

 حاجة ملهاش طعم ولا لون ...

 حتى أنا مش عارفة بكتب أيه

بس أهي شويه شخبطة مالهاش لازمة

زى كل حاجة في حياتنا ...

أنا مش شايفة الا جدار أسود

 مش شايفة وراه حاجة حتى النفس

 مش حاسة بيه ...

 حاجة كده شبه رسمة طفل صغير مفزوع

من الكوابيس رسم رسمة كلها

الوان أحمر واسود وأزق ومليانة

 شخبطة شبه حياتي دلوقتي ....

شخبطة لا ليها أول من أخر

وملهاش ملامح ....

حد فاهم حاجة ؟؟؟؟

أكيد لأ

لأن أنا نفسي

 مش فاهمة حاجة