لفحة شوق ...

 

يكتبني بأحرف من وهم
صدقت بأنني له الجنه
تركته يتعبد في محرابي
جعلته يسبح حبي ليلاً ونهاراً
قالَ أريد الشهادة على شفتيك
وهبته الخلود على صدر الكلمات
جعلتني جنة و نار
غواية و إيمان
نبيذ و طُهور
تركته يعزف الألم على جسد الحياة
وها أنا الأن أعزف الغواية بالنحيب
أو ربما بالهمسات
أقبل الهواء ,, أعانق النسمات
أرقص وأتمايل على هسيس النغمات
أتوحد داخلي وأعشق اللمسات
أتحسس عنق الرغبات
أهدئها بلمسة حانية
وكأنه مَلك من السموات
أرغبني أكثر ,,
أشبعني بالنظرات
أقاوم ضعفي بالهرب إليه
ومن الدمعات !!

~ ~ ~ ~ ~

Painting By // Max Gasparini

 

 

 

لسة بحبه و بغني ...

بستناه كل يوم 

مبتهمنيش التفاصيل بعمل نفسي مش واخدة بالي
مش مهم وجوده الفعلي معادش مهم أصلاً هو موجود

 ولا لأ
المهم إحساسي أنا بيه موجود عايشة بيه 

أصل ممكن أوي صاحبك أو جوزك او صاحبتك تكون

 مملة أو خاينة أو حتى غايبة عنك مش هترجع 

المهم ان قلبك يفضل عمران محبة 

مبقولش سامح وأغفر لأ 

المهم ان قلبك بيكون لسة قادر يحب ويغني
وأنا سايباه يحبه ويغني
روحي ليه هو
قلبي بتاعي أنا أحس بيه زي ما أنا عاوزة
من غير ما حد يقولي ليه وعلشان أيه
أرسم من حبي ليه سما وبحر ودفا
أدغدغ لساني كل شوية بأسمه
ألمس كفي وكأنه كفه
أرسم بوسة في الهوا كأنها على رقبته
عادي جداً أتجنن زي ما أنا عاوزة
حبي ليا أنا حتى هو مالوش حق خلاص فيه
يرجع ما يرجعش مش مهم
المهم أنا من جوايا أيه وهعيش عمري 

اللي جاي بأيه
حب نفسك من تاني ومتنتقمش من نفسك علشان فشل
طوع حبك من تاني لتفسك مش لحد تاني
وأفرح بوحدتك وغنيلها

عزف ...

يعزفها على أوتار الليل
يهمسها بالحنين
يضيء بها شمعة لياليه
تدفئه
 ما زالت له الحياة
وما زال لها الوطن
~ ~ ~
Amazing

 I Love It

عيني على الجدع ...

يمكن يكون حلمي نجمة و ضحكة 

ممكن أكون حلم بيجري على قوس قزح 

ممكن أكون غيمة و مطر
بس ده في الحلم ,, 

وأنا تعبت من الأحلام 

وعاوزة أرجع أنا

تعبت من التوهة والحرمان
تعبت من غدر وحكايات الأوهام
تعبت من محاولات النسيـان
 

يوم بعد يوم 

ماسكة خيط من الصبر وخيط من النسيان
وبغزل توب مالوش ألوان 

مستنية أشوف نهايته حلوة
ولا مش هيبان

يمكن يستر ليالي البرد والحيرة والكتمان
يمكن ياخدني لبحر بعيد وأرض من نور تحضن حزني
وتعيشني في أمان
يمكن أنام بين كف القمر ويحضني كمان وكمان
يمكن أغني في ليالي السهر وأتوه 

بين شفايف حبيبي اللي كان
يمكن أداوي جرحي وأعيش وسط فرح منسي 

يحاوطني بالحنان
يمكن أرسم جرحي على الحجر وعلى البيبان

لكن يا صاحبي أنت اللي هتعيش وحداني
محروم من الضحكة وحتى السكات
هتعيش بقلب مليان غيوم
وبحكاوي الغدر والهموم

يا عيني على الجدع لما الأيام 

هتخليه سواح في بحر الندم
وقلبي طول عمره دليلي 

ولا يوم سابني لوحدي وخلاني عدم
 

عيني على الضحكة لما تتحول لبكا
و على اللهفة لما تتحول لحجر

أجراس اللعنة ...

وبدأ دق تلك الأجراس الضخمة داخلي 

فهي تقرع طوال الوقت
مع كل لحظة كان لها ذكرى ما ,,

تقرع بصخب يصيب العقل بالصمم كي ينسيه أوجاعه ويحيله لرتبة ضعيف من جديد ,,

فتفاصيلنا أكبر من ذاكَ الهدوء الذي أنشده

ولكن!!

 ها هي القهوة وكتاب و لوحة مفاتيح 

لنبدأ أولاً

 بصب اللعنات عليك
و من ثم لعنك من جديد 

و أخيراً لعنك لأخر أنفاس الحياة
وما بينهما ألف حنين و قبلة وأشتياق !!!

مخيفة هي الذكريات ...

رعشة تلك التي تسري داخلي كلما تذكرت همسه العالق بحبال من فضة على مسامات جلدي ,,

رعشة أكبر تسري عندما رأيته يرحل 

دون شعور بالذنب ,,

 إرتعادة خانقة تسري الأن وأنا أبحث عن 

بقايا من ملامحه علني أتذكره ,,

مخيفة هي الذكريات 

عندما يحل محلها النسيان !!

حُراس القلب ...

ما زلتُ أشعُرني أمشي على أطراف أصابع النسيان ,,
أخاف ضَجيج الذكرى توقظ حُراس القلب 

من سباتها العميقْ !!

عيد الوعد ,, عيد الرجولة ...

 

الفلانتين ....
مممم
طيب شوفوا أنا هتكلم عن صفة الحب عامة في البداية :))

ذبذبات هائلة بتحصل في لحظاتها الأولي زي النظرة الأولي لأم وأبنها زي نظرة عشق من بنت لأبوها أو على عشق بيتولد في قلب الصبي لبلده .. كيميا بتهزك وبتخليك مش أنت

الحب عامل زي قوس قزح بتجري عليه أحلامنا و دموعنا و أمنياتنا
بنحلم و السما تلبي الندا وأنت و عملك الطيب

مرة بنتي سألتني هو ليه الواحد اللي مش كويس ربنا بيسمع كلامه وبيديله كل حاجة قلتلها لأنه هو طلب الدنيا مفكرش إن مستنينا حاجة أجمل بعد كده وتطور الأمر لكمة قلتها في سنها زمان طيب يا ماما أنا عاوزة أكون عصفورة في الجنة أفرد جناحاتي للسما ومقابلش الناس الوحشة دي أبداً

الحقيقة أنا عيطت في اللحظة دي وأفتكرت نفسي فوق شجرة النبق العالية في بيتنا العتيق و أنا بفرد أيديا و بقول نفسي أطير وما أرجعش الأرض كنت دايماً بخاف من الناس الوحشة اللي للأسف كبرت و شفتها وعديت بأسوء مراحل السخافة إن ممكن يضحك عليك ,,

الحب بإختصار مش حب بين أتنين
هو أحترام الوعد والكلمة وضعف اللي بيحبك وإحتمالك ليه وتقدير تنازلاته لأن هو بيعمل كده علشان حبك وبس

صاحب عزيز جداً قالي في مرة كلمة رهيبة فهمت معناها كويس
(صاحبك على عيبه) ده حقيقي
اقبل كل حاجة في صاحبك إلا الخيانة
خيانه مشاعر ,, وعد ,, جسد
أوعى تقبل مهما كانت روحك فيه

العيد الحقيقي مش لأتنين يحبوا بعض
العيد بجد لما نتعلم أزاي نحافظ على الحب ده

نصيحة ليكي ...
لما تحبي خليكي زي ما أنت متتغيريش لحد ومتديش كتير
متسمعيش لحد يقولك أديني أقصى ما عندك لأنه هياخد وبس
مشاعرك من حقك أنتِ وحدك مش من حق تاني

نصيحة ليك ..
لما تحب كون قد الوعد خليك راجل معاها لأخر لحظة حتى لو حصل الفراق خليها تفتكرك بالطيب ,, هي مكانش ذنبها أنها حبتك
رجولتك أنك تتحمل حبها و غيرتها وضعفها 

الحب مش شراب بنغيره كل يوم ده بيجي مرة واحدة في العمر لو مقدرتش تحافظ عليه هتحب ألف مرة بس مش هتكون زي لحظة الصدق الأولى ,,

كل سنة وأنت طيبين بقولها لولادي لصحابي لأخواتي لكل واحد متهني في بيته لبلدي لدنيا جايا هتكون أحلى أن شاء الله

ما تزعلش :)) ...

لما بتحب حد وتديله كل حاجة و ميقدرش

و يعتبرك خنقة 

 و غيرك يعتبرك رخصت نفسك ,,  

متسمعش لا لده ولا لده 

أفتكر أنك كنت لأخر لحظة بتحاول تلمس نجوم السما 

أفتكر أنك كنت بتحافظ على همسة من الجنة

أفتكر وأفتكر ضحكة فرحت بيها في يوم قلبك

أفتكر بس أنك كنت حاجة متتعوضش و الكل خسرك 

أفتكر أيام جايا أحلى 

أفتكر و متزعلش 

ربك غالب :))

أرض الهوى ...

نرحل بإجسادنا ,, 

و يبقى القلب متشبثاً بإرض من هوى !!

يوم المطر ...

طول عمرها بتحب ريحة المطر زي ناس كتير

 في الدنيا دي مش حكاية ريحة تراب لأ ,,

 بتحس أنها حاجة كده بتتغلغل جوا مسام روحك

 بدل ما أنت ألف واحد في بعض بتخليك متحد مع

ذاتك  .

بتكره البرد بس كانت بتستنى المطر أصله عامل

زي الفرح بيزورنا قليل بيدق البيبان اللي

هدها الهم والوحدة , بيجي لقلوب الشقيانين

 من غدر البني أدمين و كدبهم بيجي للولاد الصغيرين  بيجي يطبطب على كتفك و يمكن

يحضنك ويمشي

لكن !!

هي فعلاً أول مرة متستناش المطر و تخاف منه

 زي البرد, كفاية موقف أو أحتياج أو ذكرى 

أو حتى كلمة مهمـا كانت صغيرة تخليك تخاف

 تقرب من اللي بتحبه 

يوم المطر كان عامل زي خط نهاية السباق ,

يوم الحقيقة يوم مواجهة ذاتك اللي بتتخانق

 معاك ومحدش راضي فيكم يسمع للتاني ,, 

يوم المطر

عرفت أن هي مش هي ,,

مش صح , طريقها غلط , أحساسها غلط ,

عطائها غلط , 

أحتياجها غلط , كلها غلط 

المطر عندها مبقاش زي الحنين

أصبح ذكرى أنين

دي كانت حدوتة بنت بتحب كانت بالحلم عايشة 

بتسقي قلوب العطشانين ونسيت تروي قلبها

 حدوته بنت كانت بتحب , كانت بالهمس عايشة 

بداوي قلوب المجروحين و نسيت أزاي تطيب جرحها

حدوته بنت كـانت بتحب

 و دفنت حلمها بأيدها يوم المطر !!

ألوان ...

الفرح ألوان  أختار منه اللي يناسبك !!