معرفش ليه احيانا بيكون السكات مالوش معنى بتستخبى ورا الكلمة يمكن علشان كرامتك
أو علشان تخبي دمعتك يمكن كمان علشان خايف
تتنفس هوا غير اللي حفرت في قلبه غنوتك
أو يمكن علشان متجرحش بحزنك عصفور طاير في سكتك
بس احنا وشوش بنتلاقي في سكة سفر ما هي الدنيا دي سكة السفر يا تطول فرحتها يا تعيش بندم حبه ليلة سهر و مغنى و طرب على شط نيل راشق في قلبه
ضي القمر
حبيبي عينه بتلمع وشقاوة لسانه ممنهاش مفر,
أسمر ومعجباني وبحبه شفت الويل والسهر نيمني ياما يوم بدمعة ويوم بفرحة ,
أصحى أغزل من حب لياليه هدمة تسترني في ليالي الوجع ,
متغيبش عني أصل الليل يا صاحبي قاسي وكله شر ومرض خلينا بكلمة وغنوة وحدوته نعيش فوق القمر اخدك في حضني تبوس كفي بس تكون ليا الوليف والوطن .
~ ~ ~ ~
painted by
Maria zeldis
ليست هناك تعليقات:
إرسال تعليق