هي الدنيا برد ليه !!

خليني أعترف بالواقع المرير

 الدنيا برد و أنا بكره البرد عارفة أني قلت

 ده كتير بس أنا طول الوقت بقول كده لنفسي أنا بردانه طول السنة من حاجات كتير من موت بابا وماما من أحساس حبيته 

في يوم , راح مني في ليلة مطر ,

بردانة مني أنا لأن ضعت من نفسي ,من أحساسي

 بإني بقيت بجري و بجري وكأن الدنيا قدامها يومين وتخلص بحاول

 أفوق بحاول أستمر غيرت من حاجات كتير في

 حياتي بجد بجد اللي يعرفوني زمان مش هيعرفني دلوقت مش شكلاً انا زي ما أنا بس اتغيرت من جوا حاجات ماتت كتير بتعامل مع الأشياء والأماكن والأشخاص بجدار من أزاز وكأن بقولهم أنتم

شايفني كويس مش كده؟ بشفافية عالية بس من بعيد محدش هيقرب !!

 لأن معني الحب ومعنى الصدق معني الوفاء

أختفوا بقينا بنتعامل مع مكنونات وخواص الأشياء بأسلوب عملي .. 

الحب يعني رغبة ,, الصداقة يعني مصلحة ,,

الجواز يعني جنس ..

الموت يعني عياط ليلتين و يتنسى ,

ساعات بستغرب بجد التعلق بحد أخد كل حاجة

ونفض أيده منك كأن مكانش بينكم أي عهد

يا أخي دي الكلمة وعد وهنا مش بتكلم عن الحب

 و بس المعني ده نازل من تحتيه باند الصداقة والجواز ,

التعلق بالشكل ده مش بيبقا على فكرة أسمه حب

ده أسمه بعيد عنك مرض نفسي ولازمله علاج ,

بس صدقني هيجي اليوم اللي دور على حد حبك بصدق متلاقيش أصل المشاعر والصداقة والأخوة

 حاجات ما بتتعوضش

 أمسك في الفرصة ومتفوتهاش ومتبقاش أناني

اللي بيدي بالكم ده مش تخلف منه ولا ضعف ولا

 تفاهة ده هو خصك بحاجة عن دون البشر محدش يستحقها من وجهة نظره

 الا ليك أنت 

أو أنتِ .. 

علشان كده بجد كل يوم بسأل !!

هي الدنيا برد ليه !!