أعترف أني مبحبش التمثيل من وأنا صغيرة
دايماً كنت أقول هو الممثل ده ليه بيمثل حلو
أو وحش في كل فيلم مختلف دايماً كنت حاسة أن
في قوة خفية بتحرك اللي بيتكلم زي البغبغان
ده ,, وكبرت وعرفت إن ورا الممثل ده فريق
كبير بيحركه.
لما بدأت أدرس السينما أكتشفت أن الموضوع
مش فريق بس هو أحساس مشترك بين أضلاع الهرم السينارست والتصوير والمخرج وتأكدلي فعلا إن
اللي قدام الكاميرا عبارة عن ماريونيت مش أكثر حتى الأحساس مساعد المخرج اللي بيعلمه
دراسة الإخراج السينمائي بدأت تخليني أشعر
بحاجة أشبه بالقبضة الفولاذية أو الكنترول
بدأ حب المجال ده من نقد الأفلام بطريقتي
كمتلقي عادي لما باشرت الدراسة وبدأت
أول تحليل عناصر للفيلم في حياتي وكان لفيلم ناطق باللغة الألمانية ما قبلش المخرج نشوفه مدبلج حتى بالأنجليزية علشان نتعلم لغة الصورة وكان فيلم Run Lola Run
21 عنصر متفرعين لحاجات كتير جدا أكتشفت الحقيقة المرة
أن أنا كنت جاهلة فعلا :) بس شعوري بالتحليل
لما خلصته كان في منتهى السحر .
يمكن اكتر حاجة أثرت فيا فعلا من ضمن مئات
الأفلام اللي شفتها بقوتها و جمالها لكن تفضل الأفلام اللي درسناها عن السير شارلي شابلن
كان لها عظيم الأثر في نظرتي و تقييمي للأمور
مش هقول أن أحنا قدامنا عمر علشان نوصل لأ احنا عندنا ناس عظيمة زي خان و بشارة لكن الراجل ده خلاني احب السينما بشكل أكبر ,
السير المتشرد ده مش أراجوز بيعرضوا أفلامه
يوم الجمعة في الوقت اللي الناس بتنام فيه
هو عبارة عن حياة شغف نظرته في الأفلام الأرشيفيه وهو بياكل بعينيه النيجاتيف و شريط الصوت وهو بيؤلف الحان الفيلم بجد شيء مش عادي
فيلم أضواء المدينة أعترف بأنني في اللقطة الأخيرة وهي في نفس الوقت المشهد الرئيسي
للفيلم أو بما يسمى
The Master Scene ,
بأنني لن أستطيع مشاهدته مرة أخرى
لأن ما رأيته من تعبير وجداني على ملامح ذاك العظيم أفقدني التركيز ...
4 افلام مهمة للسير شارلي شابلن وهي تقريبا
ما تدرس في جميع معاهد السينما ..
The kid - 1921
Modern Times -1936
City Light -1940
و أخيراً مذكرات شابلن إنتاج 1992 من بطولة
روبرت دي جونيور
وكانت من قامت بدور أم السير شابلن في الفيلم
هي حفيدته شخصياً
أنصحكم برؤية افلامه فهي أكثر من رائعة
عالم ما وراء الكاميرا عالم مليء بالأسرار والحكايا مناسبة جداً لأحلامي التي أعيش بها دوماً طريق بدأت بعشقهِ بالفعل
طريق الأحلام ,
Film Director
ليست هناك تعليقات:
إرسال تعليق