ساعات كتير بسأل نفسي هو ليــه بنزعل
و نعذب في نفسنا ..ليه قضيت حياتي زعل
و حزن النهاردة تحديداً صحيت من النوم
لقيت نفسي وصل بيا الحــال أعيط و أنا نايمةأستغربتأوي من كم الحزن اللى شايلاه
و علشان أيهو من صحاب ميستحقوش ولا أحلام
مش بتتحقق ولا حياة واقفة مالهــــاش طعم
بابا و ماما علموني حاجـــــات كتيرة أوى
وخلونى إنسانة واعية مثقفة أوزن الأمور صح
أعرف الناس كنت أعرف الناس مجرد اني أبص
في وشهم أعرف ده أيه ومين قبل الإختراع
السخيف اللى خلانا مستخبين طول الوقت ورا الكومبيوترأتعلمت مبدأ مهم أوى هو الرضا
و رضيت والحمدلله كتير و أستحملت كتير و عمرى
ما تذمرت لكن اللى فعلا متعلمتوش أني أفرح
أزاى أبجديات الفرح أزاي أني أصحى الصبح
متفائلة أن أتعلم ما افتكرش اي حاجة قديمة
و مريرة فاتت و خلصت اتعلم أن اللى ميقدرش
وجودي ما يستحقش حزني و غضبي و لهفتي عليــه
أني أتعلم انسى و أبدأ من جديد أكتشفت أني
بقيت عصبية بشكل رهيب ... مش بضحك ...
نسيت يعني أيه أنك تستمتع بحياتك
كنت سهرانة برا البيت علشان راس السنة
بقيت أبص فى الوشوش الناس دى اللى بتضحك
و ترقص و كلها فرح ده جد ولا أقنعــــــة
أكتشفت أني قضيت ساعات و كأني أنسان ألى زى
ما قعدت زى ما قمت روح ميتة شبه أنســــانة
ماشية على الأرض بتعرف ازاي انو عايش؟؟
بيتنفس و خلاص
فعلا فضلت 30 دقيقة متحركتش من مكاني
في السرير بسأل هو أنا طبيعية ولا بقيت فعلا
مريضة نفسياً أكتشفت أني سخيفة و الظاهر مش لاقيالى شغلانة علشان أفضل شاغلة نفسي بالحزن
على حاجات مقدرتش يعني أيه تكون في حيــاتي
صحيح أنا أنسانة مش طبقية ولكن في ناس كلمتها لمجرد الكلام على أعتبار احنا كلنا ولاد تسعة
بس نسيت أن في نفوس مش بالغنا ولا الفقر
بتكون كاملة و تستحق الثقة ..... غلطت أه
غلطت لأن متعلمتش ابداً أني أغلط ..أتعلمت
أعملالصح و بس متعلمتش لما أغلط أواجه الأمـور أزاي أواجه نفسي أزاي ... أواجه اللى بيخون
و يخذل و يمشي و يتجرأ أزاي ...
2011 كانت سنة بالفعل كبيسة كل ما أفتكر
أحداثها بجد بضايق .. نفسي أتعلم أنسى ..
نفسي أتعلم أخد هوا صح من اللى كنت باخده
زمان مش مغلف بالذكريات .... يا ترى السنة
دي هقدر أعالج أخطائي و أرجع من جديد انسانة عايشة متفائلة رامية همومها ورا ضهرها ناسية الماضي بحلوو ومروو
بتمنى ده يحصل لأن لو محصلش
يبقى أنا مستحقش أعيش في الدنيا دي
~ ~ ~ ~ ~
@ Rana ♥
ليست هناك تعليقات:
إرسال تعليق